مواقف جنان

الطرف الحنون · #1 03-Sep-2007, 04:51 PM

مواقف تجنن بصراحة واني لسه مخطوبه بس بذكر لكم موقف بعد ماعقدنا جاء زوجي حتى يشوفني واني كنت رايحة الكوافيرة حتى احط مكياج واستشور شعري المهم لما جاء وشافني مو مصدق اني حلوة كذا

ما صدق خبر حظني بقوة وكان لا بس ثوب ابيض المهم وتعشينا ونسولف ويوم يبي يطلع انتبهت انه مكياج طبع

في ثوبه مسكين ما قدرت اسوي شيء ماعرفت اتصرف قال اليي روحي جيب كوب وحطي فيه تايد او اي غسيل

وجبت وغسلت البقعه ونشفتها بس بقى اليها اثار وميتين من الضحك وكل مره يجيني بثوب اتذكر الموقف

************************************************** *******************************************
هههههههههه صراحه مواقف حلووووووووه حيل وتموووووووووت من الضحك
انا داخله باسم اختي ياويلها لو تدري عني........الله يستر

أول ماجا زوجي بياخذني للبيت لما دخل علي بصراحه حسيت الوضع فرررررررررررررري يعني عادي مره.. ولما طلعت السياره بدا الوضع يختلف شوي شووي ولما دخلنا الشقه وغرفة النوم زاد الخوف مرررررررررره وحده...جلسنا سولفنا شوي .وقمت ابي افك شعري وابدل الفستان حلف مايفك شعرك ويبدلك الفستان غيري ............عاد شووفوا الوجه كيف صاار ؟؟؟؟؟؟؟
الشعر قلنا ايه.اما الفستان لااااااااا!!!!!!!!!!!
وافق ..طلبت منه يخرج عشان ابدل .خرج بس انا ناديت عليه .......قوولوا ليششششش؟؟؟؟؟؟؟؟؟

وش تتوقعووون؟؟؟؟؟؟

عشان يفتح لي سحاب الفستان هههههههههههههههه...عاد قال انا قلت لك بس مو راضيه تخيلوااااهههههههههههه

وزاد الطين بله الجوووووووع ومااااادراااك مالجووع.......

بعد مابدلنا ولبست قميص النووم عاااد بالعافيه اتحرك عشان مايشوفنيييييي...
جلسنا شوي قاعد يتفلسف وانا مو داريه عنه اصلا......
وتخيلوا ماتعشيت ابد...سالني قلت متعشيه..واكلت حبة فراوله وحده بسسسسسسس!!!!!!!!!
وصلينا الفجرر ولما جينا ننام ........انفجرررررت بكى....قعد يضحك علي وحلف مايوصلني
ومابغيت انام ساعه تقريباااااااااااااا......بس الاياااام التاليه كانت صعبه شوي لحد ماتعودنا على بعض
وككانت احللى واروعععععع ايام بصراحههههههههه..

************************************************** ************************************************** ****
وموقف جديد

أما أنا فغير عنكم كلش كلش كل وحدة كتبت عن حالها ولكن أنا مش راح اكتب عن حالي بل راح اكتب عن أغلى إنسانين لدي بلووجود ( والدي ووالدتي ) هههههههههه اكتب لكم هذي السطور بعد مرور 24 سنة من الزواج ههههههههه طبعا أنا عمري أللحين 23 وبعمر الزواج فقررت اكتب لكم ماذا حصل لهم ولأنها ليلة لاتنتسى أبدا ظلت محفورة بذاكرتي والدي والأهل وحتى الجيران هههههههه
الوالد الله يحفظه لي ويخليه قرر انه يخطب بنت خاله وهو بعمر 20 وآمي كانت صغنونة توها عمرها 15 سنه
كان الوالد فرحان وايد بأمي وكان وده يسوي لها عرس لاصار ولاستوى ( وهو فعلا عرس لاصار ولاستوى )
أهل أبوي كان عندهم يعني الطقاقات والأغاني مب حرام ولكن عادي وخصوصا انه عرس ولكن يدي اللي اهو خال أبوي عنده لاالا لا حرام وما ادري وشو حتى انه الوالد كان يبي يحجز بصالة كبيرة لانه عارف انه بيت يدي صغير ومراح يكفي المعازيم وخصوصا انه أهل الوالدة هذولي برووحهم يبيلهم قاعة كبيرة خخخخخخخخخخ المهم حاول مع يدي مارضى ( لاززم العرس بالبيت ) زين سلم أبوي أمرة إلى الله وقال البيت البيت لكن الوالد ماحب يكسر بخاطر الوالدة وقال لااززم احجز أحسن طقاقة وحجزوها وية يووم الفرح يييييييييييييي على قولت يدتي كان يووم حلو من الصبح والبيت تعديل وما ادري وشو وناس طالعة وناس داخلة
وناس تغسل الحنة ونسوان الفريج كلهم متيامعيين بلبيت ويغنون من صباحت الله خير ( ياناس صلوه على منهوه درة سعوده................ ولبنت معشوقة ياعيني وصبي ولهان ) وي اشبلاني اش اش بس
أي وريحه العود والمسك في البيت تدور من صباحت الله وذاك الميلس الي صار ملون وشحلاته من سفرة العجم من أول الميلس إلى آخرة.... ولجدار كلها قماش ملون وزري الله الله على هلمكان ياحلوة ويازينة هههههههههههه يدتي الله يرحمها كانت ناذرة أنها أتسوي خطوبتي بهلحجرة وتسوي لي حجرة ملونة وحلوة مثل حلات هلحجرة بس يالله .
المهم نرجع للوالدة كانت بصالون تتمكيج وتتعدل ( تراه اليوم عرسها..حالها حال العرايس تنتظر فارس احلامها ) هييييييييييييي وخلصت الوالدة وطلعت على قولت يدتي قمر قمر وكل من يشوفها يقول للوالد الله على ما اخترت وش هزين وش هلحلاه
عاد الوالد اللحين صار الليل وية ياخذها علشان يعني بيوصلها بيت ابوها .... هناك العرس وركبو السيارة المعاريس كلوووووووووووووشش وصلو مكان العرس ييييييييييييييييييي حفلة ولا كل الحفلات البيت مافي محط ريل الواحد حتى يطوف والطقاقة شايلة المكان والناس ترقص وتغني ومن زود الناس حتى على الدرج ناس واقفة وتصفق وما مداهم مساكين يستناسوون الالوالد العروس ( اهو يدي ) وصل اللحين يييييييييييييي راحو ملح بعد طقاقة عاد يدي مايعرف يتفاهم هههههههه ولاعندة شئ اسمة نقاش ( ومن هنا بدء الاكشن ) (((( بدئ الإحراج على أصولة )))
يدي طفى كهربة البيت هههههههه والناس زادت تصفيق ورقص ( وتقول يديتي أم أمي زفها زف ) فقالت الوالد ياوليدي خذ مررتك وررح أبها خلاص خالك مهو راضي بهطقاقة لكن أهل أمي مارضو يروحون ولارضو يخلونهم يروحون فقالو نأخذ المعاريس ونسوي لهم زفة والعرووس تتغطى ونزفها بشارع ( المسافة ماكانت بعيدة ) الى بيت يدتها الي هي اتصير يدت 2 يعني اتصير يدت الوالدة ويدت الولد وهني حلبة مطر ورعد وعتفست التسريحة والمكياج سااااح ........ هههههه والله يتهيئ لي بفلم هندي مع الاكشن ذا
وصلو بيت يدتي وطقاقة وراهم عاد هم مسووين زفة خوش زفة وصلو وماتم لهم 10 دقيايق الاواحد من الجيران الي متطوعين بعد مهب راضي بهطقاقة صوتها زاعجة هئ هئ هئ هئ هئ وهني الوالدة ماستحملت وااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااا
الوالد يوم جاف جذية بسرعة خلاص خذ الوالدة والمطر كان موراضي يوقف وراحو بيتهم ( عش الزوجية )
ههههههه صباحية العرس اللحين الوالد معتقد انه الوالدة اشترت لها ثياب وما ادري وشو هههههههه تفاجئ بانه جايبة لها جلابية مطبخ ما ادري شعدالها ههههههههههههههههههه ( خوش عرووس )

وخلااص هذي الكلاام الي اسمعة دايما هههههه واهل امي ايقولون ماقط استانسو وجافو اكشن بعرس ورقصو فية مثل ما استانسو بعرس امي هههههه ويردوون لنا الاكشن هلي صار ( يحليلاتهم الكناري امي وأبوي هههههه أنا عاد الجبيرة اول مولوود لهم فسموني آمنة هههه لانهم آمنوا بلغضاء والغدر واول حفيدة للعائلتين اهل امي وابوي ههههههههه )

&شـبـيـه الــريـح& · #2 03-Sep-2007, 05:23 PM

هههههههههههههه

مواقف حلوه يسلمووووو

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صوت جنان	عشق الفايجة	سـاحة الصوتيات	18	08-Nov-2008 12:15 AM
ثيمات للماسنجر هبال بل روعه بل جنان., للي عندهم بلس فقط.,	عامر القحطاني	سـاحة البرامج والانترنت	2	23-Mar-2008 08:05 PM
مواقف محرجه	سلمان العلياني	سـاحة الترفيه والتسلية	6	10-Dec-2007 01:32 AM
مواقف مضحكة جدا	سلمان العلياني	سـاحة الترفيه والتسلية	3	10-Dec-2007 12:22 AM
مواقف الخطوبه لايفوتكم	الطرف الحنون	عـالم حــواء	2	02-Sep-2007 06:21 PM