|
|
|
|
 |
 |
|
 |
||||||||
|
|||||||||||
 |
 |
 |
 |
||||||||
| عـالم حــواء المنتدى الفرعي : -فن الطهي -الأثاث والديكور |
 |
|
|
أدوات الموضوع | انواع عرض الموضوع |
|
#1
30-May-2007, 12:35 AM
|
||||
|
||||
لغير المتزوجات،، كيف تخطفين اللي في بالك
لغير المتزوجات،، كيف تتخططين خطف اللي في بالك
الى كل سحلية ناشبة في حلق أهلهاوماتصرفت مع انهم حاطين معها أختها مجانا (لترويج البضاعة ) اليك الطريقة: كيف تصطادين تمساح دون اللجوء للأساليب المعهودة والسقيمة (المغازل ،الترقيم،التميلح ،الترزز بالاسواق .الخ ) لاجابة على هذا السؤال اليك مايلي : أهم نقطة :نشني على العجوز اللي حاطة عينك على ولدها ثم نفذي مايلي : 1-خليك مع أمك لاتروحين مع البنات اصبري عنهن كم شهر لين تتم العملية 2-امشي وانتي حاطة راسك بين كتوفك لاترفعينه علشان يقولون مؤدبة ومو متكبرة . 3-كلمة خالة خليها على لسانك وخاصة لأم التمساح علشان تحس بنوع من التميز عن بقية العجز . لامانع تنادين وحدة ثانية بخالة علشان إذا مانجحت الخطة مع العجوز تنجح مع العجوز الثانية اتبعيها كخطة احتياطية. 4-إذا بدت أمك تتكلم انغزيها بكوعك علشان تدخلك بالموضوع حتى لو مالك داعي تطبيقا. 5-اخوانك الصغار لاحقيهم وطامري وراهم وين مايروحون حتى لو مو عادتك بس تصرفي معهم كأنك أمهم لأن هذا يوحي بما لايدعو مجال للشك عند العجوز بأنك حريصة على ذريتك 6- مهما أكلت أمك من أكلة زينة خليها تقول :نفس الاكله اللي تسويها بنتي (حتى لو الاكل من المطعم الصيني أو المكسيكي ) وخلي أمك تقول :قايلة لك وأنا أمك لاتنظفين جدران الفلةالخارجية بس أنتي الله يهديك ذابحتك النظافة (جعلي ماأبكيك أجل بتنظفين جدران الفلة نظفي غرفتك أول اللي تقولين ثايرة فيها قنبلة ذرية ) 7 -دايم ارتزي كأنك بالعة قصبة علشان ماينقص من طولك ولا سنتيمتر (للقصيرات) 8-اذا تكلموا الحريم عن أي عرس اكتمي نفسك لين تحمر خدودك علشان يقولون البنت تستحي ومالنا حق تكلمنا عندها (بس لاتكتمين نفسك مرة أخاف تروحين فيها وأصير قتلت نفس بغير حق ) 9- مهما كان موضوع الحوار حماسي لاتبدين رأيك وخليك مثل الطرما لأن اللقافة تجيب أجل الخطة 11-شعرك افرديه لين يتحسحس لاتخلينه طاير وشوشة مهما كانت الموضة لأن العجز مايدورون الا اللي شعورهن ناعمة والا ياعمري اللي شوشهن طايره ماحد يلتفت يمهن . 12-إذا أدلت العجوز (أم المتوهق) بأي رأي سواء كان سياسي أو وطني أو اقتصادي وافقي عليه حتى لو هو ماسخ وماله داعي مثلا تقول العجوز:أمس بوش متقهوي عندنا قولي لها :وليه ماعلمتينا ياخاله نجي نعاونكم 13-في العروس لاترقصين اربضي واقضبي ارضك واعتبري الرقص عيب وشق جيب 14_اذا جا طاري السوق وطبعا هو لازم يجي الطاري لأنه ملح الجلسة عند الحريم خلي أمك (الله يعظم أجر أميمتك)بناتي مايطلعون للسوق أغراضهم أبوهن يجيبها (وانتي شكلك مقطعه السوق تقطيع ) (((((((احتمال وارد الحدوث)))))) ممكن تكون العجوز منشنة على بنت غيرك لكن بعد النقاط السابق ذكرها بتصرف نظر عنك وعنها; (أمزح لاتصدقين )الحين بتكون العجوز وقعت باالفخ نرووووووووح للتمساح الحين: اهجدي في بيت أهلك ولاعاد تطلعين واذا جاء المعرس بيشوفك خلي أبوك يقول له :والله ودي تشوف البنت بدون ماتدري علشان تأخذ راحتك وانا عمك وبعدين تشوفها على الطبيعة علشان ماتقول بعدين غشيتوني (ايه هين ياالشايب لو يحصل حطيت بدالها باسكال مشعلاني والا أليسا والا نانسي عجرم مطيرات عقول عيالنا وقبل يجي اليوم اللي بيشوفك فيه بحوالي اسبوع أو أكثر (على حسب شين وجهك ) ادهري من مشغل لمشغل(صبغه ،فرد،تنظيف بشره،الخ) لاتخلين على روحك قاصر ولما يجي المعرس خلي أخوك ياقف بجنبه عند الشباك علشان مايطول بالتبحلق ويبان المستخبي وذلك تطبيق لنظرية اللمحة ذبحة بعدها عاد كيف بيشوفك هذي عليك مو كل شيء بعلمك اياه دبري عمرك بس خلي أبوك في نهاية المشاهدة يقول:العذر والسموحه وأنا عمك (الأخ ضمن الولد يوم انه يقول وأنا عمك ) ترا (البنت حوسة )مع انك طاقة كل زينك بس يعني اني في هاللحظة الولد بينط على راس أبوك وبيمطخه لين يشفط مخه وبيقول متى العرس ياعم (اللهم ارحمه فقد كان ولدا بار بوالديه ) عاد الله يوفقك ولاتنسينا من حلاوة العرس والهدايا واياني واياك تعلمين الولد من اللي معلمك هالعلوم ???????????تحذير ??????????? ابعدي عن أمهات العيال اللي متعلمات راعيات الشنطة مثل لون الجزمة لأن هذولي يبيلهم خطط بعيدة المدى نصيحه """"""" رفيقاتك بيلاحظون التغيرات المفاجئة اللي صارت لك فانتي قولي لهم :انك خلاص انسانه عرفتي درب السنع والعداله مع تمنياتي بحياة سعيدة وادعو لنا بالتوفيق،،،،،،،،،،،،،،،،، منقوووووووووووووووووول 
|
|
#2
01-Jun-2007, 06:57 PM
|
||||
|
||||
|
هههههههههههههههههههههههههههههههههههههه
هههههههههههههههههههههههههههههههههههه هههههههههههههههههههههههههههههههههههه لا الموضوع خطيييييييييير بس مستحيل اسوي كذا ابدا لانو اهلي بيحسبوني تطوعت يسلموووو وو وو وو وو وو خيو!!! 
|
|
#4
09-Jun-2007, 09:54 PM
|
||||
|
||||
|
موضوعك فلــــــــــــــــــــــــــــــه بس الله يستر لايطبقونها البنات على التماسيح المتزوجين ساعتها السحليات المتزوجات يدعون عليك
مشكــــــــــــــــور
|
|
#6
10-Jun-2007, 02:41 AM
|
||||
|
||||
|
قرنيه اصيله
fliyzxz ms paul شكرا لمروركم ونورتوا الموضوع
|
|
#7
10-Jun-2007, 02:43 AM
|
||||
|
||||
|
صقر السرآه: موظوع جري ومناسب وتشكرين عليه
ترى انا اللي كاتب الموضوع على العموم شكرا لمرورك
|
|
#9
10-Jun-2007, 12:43 PM
|
||||
|
||||
|
اقتباس:
تمساح
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ويش تقول للي في بالك؟؟ | $بنت العز$ | سـاحة الترفيه والتسلية | 222 | 24-Dec-2008 03:27 PM |
| لآ زعامة لغير الزعيم .. | &شـبـيـه الــريـح& | السـاحة الريـاضية | 11 | 24-Mar-2008 01:36 AM |
| موقع بالعربية ...لكل سؤال يخطر على بالك ...ستجد اجابتة .عن Win Xp | ذيب شمران | سـاحة البرامج والانترنت | 1 | 19-Mar-2008 10:15 PM |
| طلاب يسجدون لغير الله في الطائف -صوره | عامر القحطاني | الســاحة العامة | 8 | 14-Oct-2007 03:10 AM |
| خاص للنساء المتزوجات.. | همسة أمل | سـاحة الترفيه والتسلية | 3 | 16-May-2007 07:05 AM |
 |
 |
 |
العرض العادي
