قصه بنت كانت تطالع واحد بعين قويه

๑۩ لوعة غلاك ۩๑ · 01-Oct-2008, 02:56 PM

بسم الله الرحمن الرحيم
السلام عليكم ورحمة الله وبركاته

قصه بنت كانت تطالع واحد بعين قويه المهم الرجال طلع شاعر وما قصر فيها كم بيت عشان تتأدب لكن المفاجأة هي؟!؟!؟!

كل شبر بهالوسيعه ملك ربـي تعلميـن
وأعلم إن اللي خلقني هو خلق لك هالعيون

لكن انتـي من جلستي وانتـي فيني تحدقيـن
كـن ما به ناس غيري بهالكراسـي يجلسـون

لو سمحتي عـاد أسمعي وحتى لو ما تسمحين
المـهـم اللـي بقولـه تسمعينـه و يسمعـون

ع الأقـل ليا نظرتـك سوي روحـك تستحين
غضي طرفك مثل غيرك خوف ربعي يلمحون

الركادة عـاد زينة والحـياء في البنـت زيـن
وفيـك جـازم لا ركـاده ولا حيـاءٍ يذكـرون

تعرفينـي؟! أعرفـك؟! ماأذكـر إنا ملتقيـن
لااعرفـك من تكوني ولا تعرفـي من أكون

وإطمأني إن كان قصدك بس فيني تشبهيـن
ما هـو أنـا إلي تعرفيـه والبشـر يتشابهـون

ما دريتـي من التشابـه يخلـق الله أربـعيـن
وأعرف أربع يشبهنـك بس والله يستحـون

وإن كان قصدك شي ثاني عاد قولي وش تبيـن
خايف إنا نسير فرجة وإللي ماشتروا يتفرجون

وإذا ببـالـك عاجبتـنـي لا يحـوشـك تحـلميـن
صح ربعـي من جمالك فيـك صاروا يمدحـون

بس وش لي في حلاتـك دام فيها ترخصيـن
حشمـة البـنـت وحياهـا والكـرامـة يلفتـون

ولـو توفـر فيـك هـذا مع حلاتـك تبشريـن
ما هو أنا ألف غيري باب بيتـك يطرقون

وش علامك رغم كـل اللي أقوله وتسكتيـن
مو طبيعي هالسكوت وهالبرود وهالسكـون

إنتـي خـرسا أسألـك ولا منتي تسمعيـن؟؟
قالوا ربعي ذي كفيفـة قلت لا لا تمزحـون

ليـن شفتـك يوم رحتي يمسكونـك باليديـن
مـادريـت إلا عيـونـي أربع أربع يذرفـون

آه يانـي منـه مشهـد يـوم شفتـك تـرحليـن
جيت أشوف عيون ربعي لقيت الكـل يدمعون

قـلت سنّـة هالحـياة وحن ترانـا مؤمنيـن
الله اللـي مسيّـرنّـا بيـن كـافـ وبيـن نـون

وكل أبونا نختلف مع إننا من أصل طيـن
سبحان يلي مصورنا ولله في خلقه شؤون

يعنـي حنا كـل أبـونا عاد إسمنـا بنادميـن
وليا قضى ربك أمـر قال له كـن فيكـون

فـيـنـا يـلي رازقـه خـيـر رب العالميـن
وفينا يلي هو لعطفه بحاجة القـلب الحنـون

وفينا يلي ماشكـى من عـلـةٍ كالآخريـن
صـمٌ وبـكـمٌ وعـمـيٌ فـهـم لا يفـقـهـون

بس قليـل عـاد فينـا للنعـم هـم شاكـريـن
والله يرزق هالخلايق من حيث هم لا يعلمون

وتدري عاد يالكفيفـه حنا ترى متشابهيـن
وإن ماانعمت أبصارنا قلوبنا هم إللي يعتمـون

يالكفيفـة يالعفيفـة إن قلت آسـف تقبليـن؟؟
يغفر الله ذنـوب عبـده ليا خطـا وهل تغفـرون؟؟؟

والله إنه ماقصرفيها وهي مسكينة طلعت عميا
إنشاء الله أعجبتكم ولا تنسون تكتبون رأيكم

عاسف المهرة · 02-Oct-2008, 04:41 PM

الحقيقة الرجل شاعر وما قصر

لكن الظاهر انه استعجل وشكل القريحة اشتغلت على طول

عموما قصة جميلة جمعت الحسنيين جمال التصوير بالقصيد وقصة الحدث او الموقف

بتشكرك ........ لوعة غلاك ....... من كل قلبي

دمتي بكل الود وكل عام وانتي بثوب جديد من الابداع

๑۩ لوعة غلاك ۩๑ · 02-Oct-2008, 11:23 PM

عاسف المهره....
يسلم قلبك يالغلا
وكل عام وانت بصحه وسلامه
شاكره لك مرورك وعاطر ردك
دمت بخير وسعاده

سعيد بن عبدالعزيز · 05-Oct-2008, 08:59 AM

فعلا قصه وقصيده محزنه ومؤثره

لاعدمنا جديدك ياالغلا

خالص ودي

๑۩ لوعة غلاك ۩๑ · 09-Oct-2008, 02:09 PM

سعيد بن عبد العزيز ...
شاكره مرورك يالغلا وعبير ردك
دمت بود

أثير الروح · 09-Oct-2008, 09:39 PM

خاطرة حللللللللللللللللللللللللللوة

๑۩ لوعة غلاك ۩๑ · 10-Oct-2008, 04:20 AM

اثير الروح ....
شاكره لك مرورك الحلو وردك
دمت بخير