لاتسأليني عن تصاريف الأزمان
********** ترديدها يرهب ويرعب شعوري

أجامل أحبابي وربعي والأخوان
********** جبر الخواطر صار معنى حضوري

أعطيهم الفرحه وأنا وسط الآحزان
********** وأجبر كسور الغير وأهمل كسوري

اسهر افكر غايتي كيف اراضيك* وافرش طريقك كله اورود وازهار

ياما وياما غايتي كيف اداريك* واسمعك احلى المعاني والاشعار

ولابطيت عني اسهر الليل احاتيك* اجلس افكر في تصاريف الاقدار

الا ليت الزمن يرجع ورى والا الليالي تدور.... ويرجع وقتنا الأول وننعم في بساطتنا

ياليل قلي بدنيتي ويش سويت
حتى الهموم بداخلي تفتح ابواب

إن كان طيبي عيب ومشكلتي اوفيت
اموت صادق وارفض اعيش كذاب

طبعي كذا عن ميزتي ماتخليت
عندي مبادي دونها ترخص ارقاب

بيني وبينك ياكثر ماتعنيت
اركض بغرفه مغلقه مالها باب

أشره عليك و تحسب اني مجافيك
و أغيب عنك و تحسب انه تغلّي

ما هو جفا يا صاحبي يوم ما أجيك
ما لي بغيرك يا بعد كل من لي

لا و الذي سواك محد يجاريك
غلاك ما خلّى لغيرك محلّي

أنا حبيت فوق الحب ولما اشتقت كنت الشوق
ولما جيت ابنسى الحب عفت الكون من دونك..

أحبك كثر غلطاتك وكثر مالك علي حقوق
وانا من حقي احلم بك واعيش بداخل عيونك..