|
|
|
|
 |
 |
|
 |
||||||||
|
|||||||||||
 |
 |
 |
 |
||||||||
| ساحة القصة والرواية والخواطر روائع القصص والروايات ,نغم الخواطر وروائع الكلم المنتدى الفرعي : ساحـــة القصص الواقعية |
 |
|
|
أدوات الموضوع | انواع عرض الموضوع |
|
#1
20-May-2007, 10:04 PM
|
||||
|
||||
نظرية الغراب في الرد على الاعراب .....!
نظرية الغراب في الرد على الاعراب .....! الاهداء .. الى كل عيار غيور  سعد .. سعد .. سعيدان ... سعد وصقه تسلاب قم قامه .!! قم صل جعلك الصّل .. الساعه غابت الشمس وانت ماصليتا .. قم صل وانا امك .. قم قاااااامه بلا خايسن بفراشك ثم جعلك المرقد ( بكسر الريم وتسكين باقي الحروف ) قم شف جوالك يشر شف من يدق عليك  ^ ^ كانت هذه كلمات ماما غزيّل وهي تصحيني او توعيني من نومة عميقه سبقها مضاجعة اباحية للمخده !! رفعت جوالي بيدي اليسار ومازلت متغطي بالبطانيه لان امي واقفه فوق راسي .. صار المتصل صديقي وجدي يبينا نطلع للبر توه شاريله صقر حر ماله الا رجل وحده الظاهر انه ماخذه بنظام كفالة يتيم ومن يوم شراه وهو غاثني كل يوم داق علي ومطمرنا بهالبران ماغير يهد في هالطير ويصايح ويهايط علي " شف شف الحر وش يسوي سدااااااااااح " !!  ارتكيت على فراشي وحطيت راسي كاني نفاس توها منزله حموله !!  وراسي ياما ضرب يمين ياما ضرب يسار ودي اسحب على وجدي بس اخاف يزعل ولا يقعد يحلت دريشة غرفتي ... رضخت للامر الواقع ومشيت زحفا على الاقدام الى ان وصلت للحمام اعزكم الله وطبيت بوسط البانيو وقعدة اتفرك جسمي وامرش عشان اصير نضيف غصب !!  لبست روبي وقعدة اقابل المرايه واناظر جسمي واقول في نفسي والله لو تشوفني باسكال ان يغمى عليها ولا اليسا ان تجحد ذاك الفرنسي وتاخذني بنظام اعارة !! مايبيلها شي راس مالها كرتون فراولا وشسمة بنكهة الفرع !!  لبست ثوب شتوي اسود وشماغ صوف كاني من عيال زياد ودقيت على وجدي وقلت له يالله مرني وانت في طريقك غير اسمي بالجوال من سعد القوي الى فزاع !!  نزلت للصاله ولقيت اميمتي غزيل الله يطولي بعمرها متوسدتن الرادو وجالسه تغير احجارة مطحت راسها وقلت انا طالع لمقناص مع نايف بن عبدالعزيز تبين شي  !! <<< يهايط على امه ... قالت توقع بس لايحطونك نيشان !!  طلعت عند باب الشارع انتظر وجدي يجي واشوف هاك السفاري اللي غبرته طالعه من اول الشارع وفوقه طير مربوط بحبل ومطلع راسه مع الدريشه ويقول " سدااااااح سدااااااح " اثره وجده قاعد يمزاح طيره ويمرنه قبل الهدد !!  نقزت معه ورحنا لبراحة حول الثمامه ويدخل بهالبران ويحوس ويطمر عقوم وشبوك شوي يوم طلع علينا حنش يشر من بعيد " وش عندك ياورع انت زياه " والناس يحلتونا بحصا وحريم يتفلون وبزران يحلتونا بعسكريم .!!  وانا متجود بالمساكه ووجدي خانها وكل شوي يحك خشمة ويقول ماعليك ماعليك خويك ذيبان !!  وجدي عاد هذا سبحان الله سبهه بمعنى الكلمه  ....! قبل شهر كان راعي كلابه وكل يوم جايب لنا كلب يقول هذا امه من سلالة بوش  الابن وهذا راضع مه مونيكا وهذي مسيومه بخمسين اقساط !!وقبلها كان راعي مراسله ويعشق ركوب الخيل وجمع الطوابع وطايحن له بمغربيه جعفه بالبحرين  انواع رسايل الحب ويوم قابلها تحسف على سهر الليالي ...!  مع انه سبهه وشكلة دنيء الى حد كثير .. قصير ودب واشهب اللهب  اذا مشى بالحاره طلع غبار من الارض من العجله اللي فيه ياكم عجوز قامت تتشهد اذا شافته تحسبه المسيح الدجال !!  بس كان عنده حس مرهف ويتمتع بعقل على كبره الا انها تصدف معه مره بالشهر عن قوله انه ادمي  !! وزود على هم الليالي زغاغيل ..وصلت للبرحة المعنية ونزل العزبه ونزل طيره وملواحه وهد الطير وقام يلوح ويصايح وانا منسدح على ظهري  واناظر الطير الا يوم ابعد راح ماعاد ينشافسعد : ياوجدي طيرك راح وين راحله عسى مهوب رايح يزغل بس .. ؟ وجدي : وش عرفك بعلوم الرجال انت هو اصلا ياخذ مسافه عشان يهبل بالفريسه .. سعد : فريسه ؟؟ منتب عاقل ياراعي السفاري والقفار يازينك انت كلابتك بس قبل هالطير مسوي فيها من عيال زايد وانت كسرك لحجي ومارفع من قدرك الا خوتي يالزلابه وجدي : (( مازال يلوح ويصايح )) اقول ورا ماتلفقها لا النشب هالملواح بعلباك .. " سداااااح " .. مشينا مشينا الطير غدى ياويلي ويلاااااااه سعد : اخاف انه اختل توزانه عشان ماله الا رجل وحدى ولا عجز يديور ركبنا بالجيب وقعد يدور يدور يدوره ماله اي اثر يوم بدت تغيب الشمس .. سعد : الله يعوظك يالله بدال الطير نجيب لك قنفذ اصرف منه  وجدي : مهبول انت هذا سداح وين اخليه والله لو على رقبتي !! سعد : وجدي تشوف ذاك الغراب اللي على الضلع ؟ وجدي : افاااا عسا ماسواها الموقرم ؟ سعد : خلنا نروح ونسئله يمكن شافه وجدي : بس مانعرف نتكلم مع الغراب وشلون نسولف معه ؟ سعد : خلها علي ماعليك انت سعد : ((نزل من السياره)) ياشيخ غراااااااااب .. ياشيخ غرااااااااااب الغراب : ((رفع راسه فوق وقعد يتلفت يمين ويسار )) الظاهر عندنا ظيفان ياغرابه زغلي على النار يامره ورقدي العيال !! ارحبوووووووو يارجاااال << غراب جنوبي  سعد : (( ذب شماغه على الغراب )) انا داخل على الله ثم عليك ياشيخ غراب الغراب : على بالملازيم ان ترحب !! اقلط يانما يالعنبو من مسك بشعره اقلط !! سعد : وجدي تعال لقم شكله ... حنا ياشيخ جايين من الرياض ومعنا طير حر لونه اشهب محدد بنيكل وماله الا رجل وحده .. وهده رفيقي وجدي ولاعاد ندري وين غدى << غدى تعني رحل الغراب : ايييه سهالات سهالات انتم طيركم ماله الا رجل وحده ؟ وعيونه حضر ولابس ميني جوب ؟  وجدي : الله الله ياشيخ  سعد : حنا نبي نطلع هالطير الحين انا توهقت بهالسبهه اللي معي يقول منيب راجع للرياض لين القاه وانا عندي مشاغل واجد ولازم ارجع بدري ؟ الغراب : عندك مشاغل ؟؟ لقد جيت بوقتك انا شاري للمدام فستان من سوق حجاب ويبيله تضويق كاابره الله يهديها ..  سعد : ايه ابشر بس خلصنا .. الغراب : حسننا ,, انا بساعدكم باللي اقدر عليه بس انا مقدر اسوي شي ؟ سعد : صبه احقنه لبن .. ياخوي انت شيخ ولا قاعد تهايط علينا  الغراب : شف يا اسمك ايه انا بصراحه مرتي حامل ولا اقدر اروح ادوره لكم لكن بساعدكم بشغله وحده سعد : وشلون ؟ الغراب : اختارو واحد منكم اعطيه بوسه على الشفّه ويصير غراب مثلي ويروح يدوره بنفسه وجدي : طمر موافق موافق ياشيخ << عاد هو مقطوع ... واطمر على الغراب واقعد مصمص في هالمنقار ماتسمع الا صفق السنون تقول درج بيالات مصكوك بقوه !! سعد : صح يالخااال  الغراب : رجف وجدي الله يلعن ام القطعه اللي انت فيها ياحقير وشذا قلنا بوسه مهوب مضاجعه !! سعد : وجدي صرت غراب ؟؟؟؟؟ وجدي : قاااااق !!!! سعد : وش السالفه ؟ الغراب : ياخوي انا قلت لك بخيله غراب بس ترا مايقدر يتكلم مثلي لازم يمر عليه فتره من الزمن وجدي الغراب : طار وراح يدور سداح سعد : الحين متأكد ان وجدي مهوب جايه شي ؟؟ الغراب : ههههههههههههه ياخي ضف وجهك بس انت وخويك وجدي بالله اسم ادمي ذا ؟ سعد : وشفيك قلبت يالقذر ؟ " طرررقبع " على راس الغراب بعجرا وجدي الغراب : " ديور ورجع يمشي مليون " قاااااااااااق قااااااااااق سعد : " طرررررررقبع " كف اقول تكلم زي الناس انت ووجهك وجدي الغراب : طيب ... ياخي وراك تذبحه وتيتم عياله سعد : استفزني هالحقير .. وجدي الغراب : (( والدمع يملاء وجنتيه )) وانا وش اسوي بعمري الحين ؟؟ سعد : رح دور طيرك واخلص خلنا نرجع للرياض وجدي الغراب : واذا لقيته وبعدين وشلون برجع وجدي الانسان يالوووح ؟!! سعد : (( انصفق على وجهه )) يارجال ماعليك مهيب مشكله يفرجها ربك .. " ويدفدف وجدي " يالله قم اخلص دور طيرك وجدي الغراب : تستهبل يالفاهي انت وش اسوي الحين انا ؟؟؟ توهقت بوجدي وهو الحين صاير غراب مدري وش اسوي فيه ركبته بالسياره ورجعت للرياض رحت لمستشفى الشميسي وانا داخل بالغراب لا ومن زين الطبايع غراب اصلع !! قابلت حق الاستقبال قلت ابي اخصائي غربان .. ولا تدري عطني اخصائي تخدير خلني اخدر هالغراب واذبه من فوق كبري الشميسي ... قالي رح لعياده بيطريه رحت لعيادة بيطريه حول سوق بن قاسم ونزلت انا والغراب وقلت ياشيخ << متأثر لين الحين ... يادكتور السالفه كذا وكذا وهذا اصلا انسان مثلي واحسن منك حسيت ان الدكتور سحب سلك شائك ناوي يربطني فيه فزيت والغراب طار وقام ينقر في صلعت الدكتور المصري ونحشنا قلت لوجدي ترا مالي دخل فيك خلاص اللي علي سويته برجعك لاهلك رحت لبيت وجدي وطقيت الباب فتحت لي الشغاله ثم صفقت الباب بقوه يوم شافت الغراب وقامت تصايح " هراااامي " رجفت الباب ودخلت على ابوه لقيته بالملحق جالس يناظر قناة كنوز وفاقن خشته ويقول اللهابوكم دشرن !! << طيب ليه تناظرهم حبيت راسه والغراب حطيته عند باب الملحق عشان مايشوفه لين ازبن وضعيمساك الله بالخير ياعم ودوك هذا مفتاح موتر ولدك وجدي !! الشايب طلع فوق راسه خمسين علامة استفهام !! وقام يخزني بطرف عين ؟؟ وقال : الهيئه ؟؟ سعد : هئه << مع هزة بالرأس تعني لاء ابو وجدي : هالمره تفحيط اجل ؟ سعد : هالمره غراب الله يحييك !!! تعال خذ ولدك شفه ويدخل مع باب الملحق وهو فارد جنحانه ويصيح الشايب شاف الموقف وطقته النفاضه وقام رجف تقول مشبوك بمكينه مخيم !! واغمى عليه ويطب عليه الغراب ويقعد يبوسه يبيه يقوم اثر الرجال من اليوم قاعد يفغصه بمنقاره لين قطع له شريان ومات !! جت المباحث الجنائية وشيكت عالموقع ومسكوني وجا فوق راسي خمسين الف قضيه اولها تارك بزبوز الحمام مفتوح مما تسبب في تسريب المياه التفحيط ومظايقة العوائل في البران تكسير اربع شبوك مخيمات من ضمنها مخيم وزير قتل ابو وجدي بسلاح ابيض وراء اختفاء وجدي وحكمو علي بالسجن الى اجل غير معلوم حبس انفرادي والحين تقريبا قضيت اربع سنوات بالسجن ومدري كم باقيلي بس تعرفت على ضاطور بالسجن وصار صديقي وهو اللي وصيته يكتب لكم هالقصه وش حليله هالضاطور يسوي كل شي يجيب دخان ويجيبلي الجرايد و الاخبار لا ويعرف يدخل الاقلاع بعد ومهوب مقصر معي بشي عسا الله يصخرله بس انتهى ...........!  
|
|
#4
25-May-2007, 08:56 PM
|
||||
|
||||
|
قصة مشوقة
وخطيييره وتموت ضحك وحزن عسا الله يفكه من السجن تحياتي
|
|
#5
28-May-2007, 09:14 AM
|
||||
|
||||
|
اخوي الحزين تقبل مروري ولك مني خالص التحايا....
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| الرد مفتوح | فيصل القرني | العرضة والمحاورة | 12 | 09-Oct-2008 12:46 PM |
| نظرية القرود الخمسة (نظريه قديمه - حديثه) | د-القرني | الســاحة العامة | 10 | 22-Feb-2008 06:54 PM |
| أسلوبك في الرد دليل تحضرك | ๑۩ لوعة غلاك ۩๑ | مـلـتـقى الـفكر والـكلـمة | 8 | 10-Dec-2007 09:22 AM |
| .×. [ برنامج للتفنن في الرد في المنتدى ] .×. | ملكه بأخلاقي | سـاحة البرامج والانترنت | 8 | 09-Sep-2007 03:45 AM |
 |
 |
 |
العرض العادي
